صحيح جانا مطر قبل العشاء..
ركضت بسرعة وتحت المطر تذكرته وقلت ربي يفرج همي وهمه
ياآآآه يا مطر ,… انت نعمة محسود عليها البشر ..
عقبك تنبت البذور وترتوي الزروع .. والخلايق كلها تلهج دايم بالشكر
مشيت بهدوء تحت المطر وبدت خطوتي تاخدني لأبعد ما يكون ..
عجيبة الذكرى والأحلام كيف تثور بجنون بين الغيم والرعد
قلت لازم يكون عنده خبر .. ويسرح معي بجنون تحت هالمطر
فارسلت له أشواقي وفرحتي بسرررعة تسابق البرق والرعد ..
لو أدري أنه بخير كان زادت سعادتي وتغنيت حتى اشتهي السهر
ما أقول غير سلامات يا الغالي عسا الشر يكون بعدوك..
و يا ليتني بين أحضانك تحت المطر وتجمعنا مظلة واحدة!!
تعرف يوم تقولي نروح نتمشى تحت المطر ونتشارك لقمتين يزيد فيها الشهد .. آآه
تلقاني بصير لأجل عيونك أحلى بستان يعطر ثوبك..
وتبتسم شفاتك لأني رح ألبس ألوان الشجر وتناظرني وتحتويني جفونك
ولما تجي توقف بين أغصاني وتمرر ايدك على أوراق الغصن اللي ينحني لعيونك
وقتها.. يااازين حبات المطر وهي تداعب جبينك وتتشربها خيوط قميصك..
و بتلقاني دايم معك .. دايم أعطر ثوبك بريحة هالمطر اللي جمعني فيك..
أشتقت يا مطر تاخذني عند أغلى حبيب..
عند أروع كيان يحتري همسي في اذونه
وش رايك يا مطر!!
ويوم تزوره أكون وردة ترقص بجنون بين قطرات المطر وهو يضحك وينسى همومه..
تعرف وين بتشوفني يا غلا الروح واجمل احساس يعطر ليلي ونهاري
تعال وشوف انعكاسي في بركة تجمعت من أمطار اليوم ...! وكل يوم ..
17-6-1432هـ
هناك تعليقان (2):
انستكم الرحمة
طرح جميل لامس خلجات اهاتي
بجد للمطر دور في كل شي
سلمت لنا تلك الآنامل الممطرة الشذية
بالغ ودي
تسلم استاذ على هذا الوفاء والحضور رغم انشغالك ..دمت بكل خير وبالتوفيق دائما وابدا
نعم للمطر حنين لمن كان له قلب دافيء
إرسال تعليق